Mir sind es ufgstellts, motivierts, jung oder jung blibnigs Team, wo Euch gern verwöhne tuet.
Es lit eus am Herze, dass Ihr Euch do bi eus ide Gelateria Gwundertüte wohlfühlet!
Mir sind familefründlich und dulde ächli meh Lärm wie a andere Orte.
Mir händ im Summer bis zu 26 verschiedeni Glacesorte.
Mit eusere fahrbare Glacetruhe sind mir au a Fuessball-Turnier, Geburtstagsparties, Dorffäschtli oder bi Ihne dihei isetzbar. I de Übergangsziit chönd mir d’Glacetruhe zuesätzlich mit Crepes-Platte/ Waffel-Ise bestücke, so händ mir bi jedem Wätter s’richtige Verwöhnprogramm.
Mir händ ned nur selbergmachti Glace, mir biete au:
- früschi Crêpes
- chlini Chueche Uswahl
- Frappe
- Coupe
- Kafi/ Tee
- Mineralwasser/ Süessgetränk
- Rot-/ Wisswy
- Spirituose
Eusi Gelateria chan als Bankettsaal, für GV-Versammlige oder au als Geburtstagsparty-Rum buecht werde. (bis ca. 70 Persone, uf Wunsch au mit Verpflegig vo A-Z).
Vo de Happy Hip Hüpfburg (bis 4 Jahre) übert Pirate- Schatzsuechi bis zum Bodehöcklis hämmer alles im Agebot.
